Rrëfimi rrënqethës i infermieres/ “Më thoni që do zgjohem, kam 2 vajza të vogla” Si mu lut pacienti, më shtrëngonte dorën

Në situatën që është krijuar nga koronavirusi ditët e fundit, shumë histori të trishta dhe rrënqethëse tregohen nga bluzat e bardha.

Së fundmi, Maria Cristina Settembrese, e cila punon prej 11 vitesh infermiere në spitalin “San Paolo” të Milanos, sjell një episod emocionues dhe shumë të trishtë në lidhje me atë që i ka ndodhur përsa i përket një pacienti me koronavirus.

“Çuam në reanimacion një 42-vjeçar. Ndërsa më shtrëngonte dorën, më lutej: “Më thoni që do të zgjohem përsëri, kam dy vajza të vogla në shtëpi”. Maska ime u mbush me lot”. Këto janë fjalët e infermieres që rrëfen historitë nga turni i saj i natës.

Të 15 shtretërit me ventilim atje janë të zënë nga pacientë të moshave nga 48, 50, 61 vjeç e lart. “Kam 30 vjet punë, por nuk kam parë kurrë gjë të tillë”, shprehet ajo.