Pas masave të marra nga qeveria shqiptare ku kryeministri Edi Rama bëri me dije se do të ndalohen të gjithë personat të dalin pas orës 18.00, ka ardhur dhe reagimi i nënkryetarit të Partisë Demokratike Edi Paloka.
Ai e cilëson Ramën si një kryeministër qesharak, dhe shprehet se koronavirusi nuk lufton vetëm me policë dhe gjoba ndaj qytetarëve.
“Koronavirusi nuk luftohet vetëm me policë dhe me gjoba ndaj qytetarëve. Karantina nuk funksionon part time. Dikush duhet ti thotë në bunkerin ku është izoluar se virusi nuk infekton part time”, shkruan Paloka ndër të tjera.
REAGIMI I PLOTE I NENKRYETARIT TE PD EDI PALOKA
Kryeministër qesharak dhe i rrezikshëm! Deri në orën 18.00 lejon lëvizjen e njerëzve, lëvizjen e makinave, grumbullimet masive ne qendrat e punës (fasoneri dhe call centers), shëtitjet në rrugë, por pas orës 18.00, qytetarët nuk lejohen të dalin në këmbë. Dalje paradite dhe karantinë pasdite është një tallje e dhimbshme me jetën e shqiptarëve, për faktin e vetëm se Edi Rama nuk do që të prekë lekët e oligarkëve të vet.
Koronavirusi nuk luftohet vetëm me policë dhe me gjoba ndaj qytetarëve. Karantina nuk funksionon part time. Dikush duhet ti thotë në bunkerin ku është izoluar se virusi nuk infekton part time. Zgjidhja është karantinë e plotë, fillimisht për të paktën 14 ditë, rimbursim i bizneseve, rimbursim i pagave, ushqime për të moshuarit dhe më të varfërit.