Rama: Mos u hapni dyert pronarëve kur të vijnë për qiratë

Kryeministri Edi Rama u ka kërkuar ministrave të qeverisë që të zgjidhin punën e qirave siç janë qiratë që shteti duhet t’u paguajë banorëve që shtëpitë iu dëmtuan nga tërmeti.

Kreu i Qeverisë Edi Rama deklaroi:

“Zgjidhni punën e qirave. Ka shumë ankesa këtu për këtë çështje. E vetmja këshillë që u kam dhënë këtyre që u vjen pronari të dera, është që të mos t’ua hapin. Se qiraja është aty. 

Për më tepër që tani në kohën e COVID-19 dera rri e mbyllur. Për shtëpitë që kemi premtuar, asnjë tolerancë te cilësia, cilësia, cilësia. Shtëpitë do tua bëjmë siç i kishim dhe ashtu siç ua kishim premtuar”.