Rama jep lajmin e mirë për shqiptarët e bllokuar jashtë: Ja çfarë ndodh javën e ardhshme

Një nga çështjet më të diskutuara dhe që ka shqëtësuar më shumë njerëzit ditët e fundit është se cfarë do të ndodhë me shqiptarët që kanë mbetur të bllokuar në Europë dhe nuk kanë mundësi të kthehen në atdhe.

Ndërkohë kryeministri Edi Rama ka dalë me një video mesazh ku ka lajmëruar se javën e ardhshme do të nisë riatdhesimi i të gjithë atyre personave që janë aktualisht në Europë, të bllokuar dhe pa asnjë mundësi për tu kthyer.

“Duhet durim, është një armë që duhet ta mbushim përditë. Dua t’ju siguroj të gjithëve se të gjithë po bëhemi 14 copash, përditë e përnatë që të mos lemë asnjë prej jush vetëm. Për të gjithë nga nevojat ushqimore deri tek ata që kanë ngecur jashtë Shqipërisë. Ata janë gati të vinë të vinë në Shqipëri.

Janë gati edhe të paguajnë, i falenderoj në fakt, se ka të tjerë që bëjnë vetëm komente me qarje për popullin që gjoja po vdes për bukë me kërkesa absurde e me tallje për ata me uniformë e punonjësit socialë. Këto janë të turpshme. S’kemi shkop magjik, por as në shtëpitë më të pasura të kontinentit nuk po shoh të bëhen mrekulli. Unë s’do lë gur pa lëvizur dhe gjë pa bërë për t’ju ardhur në ndihmë të gjithëve, por dreqi e mori, merreni vesh që jemi në luftë.

Qeveria mbahet me kontribute jo me dokrra në rrjetet sociale. Kamat-vonesat nuk i falja kurrë por jemi në luftë. OSHEE do të goditet në financat e saj, mospagesa e rrëzon përtokë me një efekt shkatërrues, do na e bënte të pamundur fitore. Javën e ardhshme nis riatdhesimi i atyre që kanë ngelur jashtë. Do vijnë pa pagesë.

Do i sjellë Lasgushi. Në këtë hall i kërkova kompanisë të marrë barrën e të qënit shqiptar. Nesër del kalendari. Të hënën nis hartimi i listave dhe pikave ku do të marrim qytetarët tanë “, u shpreh Rama gjatë fjalës së tij.