Qyteti ku lindi koronavirusi që po tmerron botën, ja data kur Wuhan do të dalë nga izolimi

Wuhani do të mbahet mend gjatë nga të gjithë, si qyteti ku lindi koronavirusi  që po tmerron botën prej disa muajsh tashmë.

Por një lajm i mirë vjen së fundmi që aty.

Sipas medias shtetërore të Kinës, izolimi i Wuhanit do të marrë fund më 8 prill.

Ndërsa pjesët e tjera të provincës Hubei kryeqytet i së cilës është Wuhani, do të heqin pengesat për udhëtimet më 25 mars.

Kujtojmë se rastet e para me koronavirus në këtë qytet u shfaqën në dhjetor të vitit të kaluar.

Deri më tani ky virus i rrezikshëm është përhapur në mbi 150 shtete të botës dhe është shpallur pandemi nga Organizata Botërore e Shëndetësisë.

Vendet e prekura kanë ndërmarrë masa të ashpra për të frenuar përhapjen e saj, duke mbyllur shkollat, bizneset jothelbësore dhe kufijtë.