Pogradec-Maliq/ Tre të arrestuar për mashtrim, dhunë në familje, vjedhje …

Policia ka arrestuar 3 persona në Pogradec-Maliq, pasi akuzohen për vepra të ndryshme penale.

Të arrestuarit akuzohen për vepra si mashtrimi, dhuna në familje, vjedhja, kallzim të rremë

Gjithashtu Po punohet për ndalimin e disa shtetasve të tjerë të shpallur në kërkim.

Njoftimi i Policisë

Pogradec/Maliq
Vijon puna për kapjen e shtetasve të shpallur në kërkim.
Ndalohen 3 shtetas për veprat penale “Dhuna në familje”, “Vjedhja” dhe “Kallëzimi i rremë”.
Specialistët për Hetimin e Krimeve në Komisariatet e Policisë Pogradec dhe Maliq, bënë ndalimin e shtetasve në kërkim: 

F. D., 49 vjeç, banues në fshatin Udenisht, Pogradec, pasi Gjykata e Shkallës së Parë Pogradec, me vendimin e datës 11.07.2019, e ka dënuar këtë shtetas me 4 muaj burg për veprën penale “Dhuna në familje”.
E. G., 31 vjeç, banues në fshatin Bletas, Pogradec, pasi Gjykata e Shkallës së Parë Pogradec me vendimin e datës 17.02.2020, ka caktuar masën e sigurisë “Arrest në burg” për veprën penale “Vjedhja”.
O. B., 32 vjeç, banues në fshatin Zvezdë, Maliq, pasi Gjykata e Shkallës së Parë Korçë e ka dënuar këtë shtetas me 5 muaj burg për veprën penale “Kallëzimi i rremë”.

Materialet i kaluan Prokurorive të Rretheve Gjyqësore Pogradec dhe Korçë për veprime të mëtejshme.