LIGJET E BIZNESIT
Menjëherë pas lajmit që u dha se u shënua viktima e parë nga koronavirusi në Shqipëri, konkretisht 73-vjeçarja nga Durrësi, e kthyer nga Italia, kryeministri Edi Rama ka dalë në një komunikim live.
Ai ka bërë një thirrje të fortë që qytetarët mos të dalin nga banesa, nëse nuk është nevoja.
Gjithashtu kryeministri paralajmëroi se do të ketë dhe masa të tjera më të forta, si gjoba me 5 mijë euro për personat që vinë nga italia dhe nuk vetëkarantinohen.
“Postblloqe për kontrolle të automjeteve dhe do të verifikojnë nëse ka të ardhur nga Italia apo Greqia në 14 ditët e fundit të cilët ndalohen të dalin nga shtëpia. Nga nesër kush prej tyre do të kapet në rrugë, do të dënohet me 5 mijë euro gjobë. Do të ndalohet të largohet nesër në Itali pas ikjes së epidemisë nëse nuk do të ketë paguar gjobën. Ju kërkoj shumë ndjesë është një masë që në kushte normale do të ishte absurditet, nuk do doja kurrë t’ua kërkoja këtë. por kjo nuk është një kohë normale, futeni në kokë, është një kohë lufte me një armik që nuk duket por është rreth secilit prej nesh. DO ta kalojmë siç klauam tragjedinë e 26 nëntorit ku dolëm më të forte”, deklaroi Rama.
Në fillim të videos bie në sy detaji që kryeministri shfaqet duke larë duart, duke treguar kështu një ndërgjegjësim dhe si duhet të veprojnë qytetarët, në kuadër të masave për tu mbrojtur nga koronavirusi.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
