Pas lajmit se dy persona tashmë janë prekur nga koronavirusi në Shqipëri, dhe ndodhen të shtruar te infektivi në QSUT, kryetari i Partisë Demokratike Lulzim Basha ka marrë një vendim të papritur.
Kështu mësohet se ai ka anuluar dy aktivitete publike të parashikuara për sot pasdite.
Në Kalanë e Tiranës ishte përgatitur një event kushtuar grave shqiptare për kontributin e tyre në shoqërinë tonë.
Aktiviteti, ku ishte parashikuar pjesëmarrja e rreth 300 grave dhe vajzave, do të zhvillohet në një moment tjetër, kur shëndeti i qytetarëve të mos konsiderohet i rrezikuar.
Gjithashtu sipas informacioneve po i njëjti vendim është marrë dhe për një aktivitet tjetër të Bashës.
Ai kishte planifikuar në orën 15.00 një dëgjesë me mësuesit, pjesë e turit #potedegjoj, por edhe ky event do të shtyhet për një moment tjetër.
