LIGJET E BIZNESIT
Një nga ndeshjet më të rëndësishme në Itali klasikja Juventus – Inter, po luhet në një stadium “fantazëm”, ndërsa pamjet që ofrojne kamerat janë vërtet të frikshme.
Ndërkaq, në një kohë që stadium duhet të ishte plotë e të oshëtinte nga koret e tifozëve, aty dëgjohen vetëm zërat e trajnerëve dhe stafeve teknikë respektivë, duke dhënë ndjesinë sikur po zhvillohet një stërvitje e përditshme e ekipeve.
Kjo është ndeshja e parë e një rëndësie të madhe që luhet pa tifozë në Itali, pas urdhrit që dha federata italiane për të mbyllur stadiumet deri në datën 3 prill.
Kryeministri italian urdhëroi izolimin e rajonit të Lombardisë dhe 14 provincave të tjera, pasi numri i të vdekurve nga koronavirusi arriti në 366.
Këto ndeshje pa tifozë do të rëndojnë edhe në financat e klubeve, të cilat humbasin miliona euro nga biletat dhe marketingu. 
