LIGJET E BIZNESIT
Pasditen e sotme në orën 17.00 do të mbahet manifestimi që është thirrur nga presidenti Ilir Meta përpara godinës së kryeministrisë, nën moton “Për mbrojtjen e Kushtetutës”.
Kështu, mësohet se janë marrë masa paraprake për këtë tubim, i cili do të monitorohet nga Policia e Rendit, FNSH dhe forcat “Shqiponja”.
Policia e ka pranuar kërkesën e Presidentit dhe ka vendosur të angazhojë 1000 efektivë në mënyrë që protesta të shkojë pa incidente.
Edhe pse Presidenca ka thënë se do të jetë tubim tërësisht paqësor ku do të ketë dhe shtetas të huaj, aty do të jenë në gatishmëri dhe forcat RENEA.
Policia e Shtetit i ka dhënë leje Presidentit Ilir Meta që të zhvillojë tubimin në Bulevardin ‘Dëshmorët e Kombit’ pasditen e sotme për 2 orë, nga 17:00 deri në 19:00. Edhe pse kreu i shtetit u shpreh se i kërkoi drejtuesve të policisë sa më pak efektivë, pasi do t’i mbrojnë vetë institucionet me aktivistë, policia ka marrë masat.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Nga ana tjetër policia ka vendosur të bllokojë dhe disa rrugë pranë kryeministrisë, për të garantuar rendin dhe sigurinë.
Ekipet e policisë ndodhen në gatishmëri nga Ministria e Brendshme deri në Sheshin “Nënë Tereza”.
