“O sot o kurrë” Rama paralajmëron hapur Metën: Do vijë dita e atyre që kanë hesape me ligjin

Kryeministri Edi Rama gjatë fjalës së tij në seancën e sotme parlamentare, ka dërguar sërish një mesazh të hapur për presidentin Ilir Meta.

Ai deklaroi se ka ardhur koha ku vija ndarëse mes të shkuarës së tyre nuk do të mund të fshihet nga goma e drejtësisë.

“Ai që rri në majë të piramidës dhe kërkon revolucione dhe ta cilësojë si mëkat të qeverisë dhe kërkon ta japë si provë për ta shporrur këtë qeveri, ka të drejtë. Po ashtu është, kjo është e vërtetë.

Ilir Meta ka të gjitha arsyet të jetojë o sot o kurrë, sepse sot vija ndarëse me të shkuarën, bëhet e pafshishme nga goma e drejtësisë, sepse sot gjyqtarët dhe prokurorët nuk janë më garanci siç kanë qënë për 30 vjet . Sepse sot është marrë një vendim ekstrem për ti dhënë një goditje përfundimtare krimit të organizuar.”-tha Rama.

Më pas ai, paralajmëroi se do të vijë dita për të gjithë ata që kanë hesape me ligjin, duke përfshirë kështu dhe Kreun e Shtetit.

“Do vijë dita për të gjithë ata që kanë hesape me ligjin. Për ata që janë sot më të tërbuar se kurrë, siç është ai i pari”, u shpreh kryeministri.