“Nuk fitohen zgjedhjet duke ngrënë paçe” Rakipi i përvishet Bashës: Mos imito Ramën, të lë me kilometra mbrapa

Gazetari Ylli Rakipi ka komentuar së fundmi situatën politike në të cilën po kalon vendi ynë.

Ai u shpreh se opozita nuk i fiton dot zgjedhjet me këtë strategji që ka përballë Ramës.

Gjithashtu Rakipi ka dhe një vërejtje për kreun e Partisë Demokratike Lulzim Basha, duke thënë se nuk duhet të imitojë kryeministrin, pasi në këtë mënyrë do ta lërë mbrapa dhe nuk do të mund ti fitojë asnjëherë zgjedhjet.

“Me këtë luftë që ka nisur opozita shqiptare nuk i fiton zgjedhjet me Edi Ramën, nuk fitohet kështu me këtë regjim. Duke pirë kafe me dy kohë, duke ngrënë paçe koke, duke takuar njerëz duke veshur kostum të trash dhe kapuç  të trash në temperaturën 20 gradë për të imituar Edi Ramën. Edi Rama është i paimitueshëm në botë. Edi Rama ka vetëm një gjë, njeriu më i zoti në botë për të bërë atë atë që bën. Atë fasadën e jashtëzakonshme ato poturet që vesh. Po fillove të vishesh dhe ti të krijosh veshje, pra nëse do e imitosh këtë njeri ai të lë miliona kilometra mbrapa”, deklaroi Rakipi në “Opinion”.