“Nuk do e vrasë më askënd”/ Trump njofton se ilaçi për koronavirus do jetë së shpejti në dispozicion

Ai tha se një ilaç që përdoret aktualisht si anti-malarje – hidroksikloroquine – do të vihet në dispozicion pothuajse menjëherë për të trajtuar koronavirusin, shkruan CNN.

“Koronavirusit tashmë iu bë një kohë e gjatë, andaj nëse gjërat shkojnë ashtu siç janë planifikuar, virusi nuk do mund ta vrasë askënd”, u tha Trump gazetarëve në Shtëpinë e Bardhë.

“Ne duhet të heqim çdo barrierë që janë të panevojshme, që të fillojmë sa më shpejt trajtime të sigurta, efektive dhe ne mendojmë se kemi disa përgjigje të mira,” tha Trump.

Komisioneri i Administratës së Ushqimit dhe Medikamenteve (FDA), Stephen Hahn, moderoi deklaratat e Presidentit në lidhje me punën e ekipit të tij në zhvillimin e trajtimeve për koronavirus.

“FDA është e përkushtuar të vazhdojë të sigurojë fleksibilitet rregullues dhe udhëzime, por më lejoni ta bëj një gjë të qartë: përgjegjësia e FDA ndaj popullit amerikan është të sigurohet që produktet të jenë të sigurta dhe efektive”, tha ai.

Ai tha se FDA po punon me intensitet të lartë që të gjejë opsionet e mundshme terapeutike.

Dëshmitë e hershme nga qelizat njerëzore sugjerojnë që klorokina – e cila përdoret për të trajtuar malarinë dhe sëmundjet autoimune – mund të rezultojë efektive kundër koronavirusit të ri. Mjekët në Kinë, ShBA dhe vendet e tjera kanë përdorur ilaçin në mënyrë eksperimentale në pacientët Covid-19, por ende nuk ka prova klinike të mjaftueshme për efektshmërinë e tij.

Medikamentit, i cili përgjithësisht konsiderohet e sigurt për shumicën e pacientëve, mund të ketë efekte anësore duke përfshirë ndjenjat e të përzierit, të vjellat, dobësim në shikim dhe presion të ulët të gjakut.

BURIMI:CNN