Njoftim nga Posta Shqiptare: Ja si do të shpërndahen pensionet, zyrat do të jenë të mbyllura

Posta Shqiptare në funksion të parandalimit të përhapjes së COVID-19 bën të ditur për të gjithë pensionistët se zyrat e pensioneve do të jenë të mbyllura, deri në një urdhër të dytë.

Posta thekson se shpërndarja e pensioneve deri në hapjen e zyrave do të bëhet në adresat e pensionistëve pa asnjë kosto.

Njoftimi i plotë:

Posta Shqiptare, në funksion të menaxhimit të situatës për parandalimin e përhapjes së COVID-19, bën të ditur për të gjithë pensionistët se: Zyrat e pensioneve do të jenë të mbyllura, deri në një urdhër të dytë. Pensionet do të shpërndahen nga Posta Shqiptare në adresat e pensionistëve pa ASNJE kosto. Pensionistë, janë të lutur të depozitojnë numrin e telefonit, adresën e saktë dhe ID e kartës së identitetit, në kutinë postare pranë zyrës ku ata tërheqin pensionin. Në çdo zyrë postare do të afishohen numra kontakti për çdo informacion të nevojshëm rreth shpërndarjes së pensioneve. Për çdo pyetje apo paqartësi në lidhje me procesin e shperndarjes se pensioneve ne shtepi, mos hezitoni të na kontaktoni.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern