“Një provë e vështirë që më bindi” ja çfarë deklaroi Henri Çili menjëherë pas daljes nga burgu

Mbrëmjen e djeshme botuesi dhe analisti i njohur Henri Çili u lirua nga qelia pas dy ditësh qëndrimi, ku ndaj tij u mor vendimi “detyrim paraqitje” nga Gjykata e Faktit të Përmetit.

Pas një seance tepër të gjatë prej 10 orësh, Çili u la i lirë, ku jashtë gjyqit e prisnin të afërm, kolegë e miq.

Menjëherë ai foli në një prononcim për mediat, duke thënë se kjo ishte një prove e vështirë që e bindi se duhet të thellëojë studimet në fushën e së drejtës penale.

“Një absurd i paimagjinueshëm, deri në kufijtë e çmendurisë. Gjithsesi ishte një provë e vështirë që më bindi se duhet të thelloj studimet e mia në fushën e së drejtës penale”, i deklaroi Çili të dërguarit të Newsbomb në Përmet pas lirimit.

Dje Gjykata e Përmetit dha vendimin për lirimin nga burgut të 13 personave dhe dhënien e masës së arrestit me burg për 18 të tjerë nga 31 të arrestuarit në kuadër të operacionit të koduar si “Mezhgorani”.

Botuesi Henri Çili, njëkohësisht dhe pronari i Universitetit Europian të Tiranës, është një nga personat e liruar ndaj të cilit u vendos masa “Detyrim paraqitje”, ndërsa mbi të ishin ngritur nga Prokuroria 6 akuza.