LIGJET E BIZNESIT
Sot kongresi i Partisë Socialiste ka vendosur të zgjedhë anëtarët e rinj të Asamblesë Kombëtare.
Në mbyllje të ditës së tretë, mësohet se në votim kanë marrë pjesë 85.3 % të personave, pra nga 1456 delegatë, kanë arritur të votojnë 1242.
Aty vihet re dhe një rritje e përfaqësisë së vajzave dhe grave në strukturat e partisë, që do të përbëjnë 45.2 % të Asamblesë Kombëtare.
Në sy bie dhe emri i kryebashkiakut të Durrësit Vangjush Dako.
Ai është shpallur non-grata në SHBA dhe konsiderohet pjesë e hetimit të dosjes “339” për shitblerjen e votave.
Por edhe pse ka këto akuza mbi kurriz, duket se Dako nuk heq dorë nga ambicia politike.
Kujtojmë se edhe në ditën e hapjes së punimeve të Kongresit të Partisë Socialiste, kryeministri Edi Rama ndodhej vetëm pak karrige larg Vangjush Dakos.
