LIGJET E BIZNESIT
Euro ka shënuar një rritje të pazakontë në tregun tonë të këmbimit. Monedha europiane ka kapërcyer në nivelin e 128.1 lekëve. Sipas kursit të Bankës së Shqipërisë, bëhet fjalë për një rritje ditore prej 2.77 lekësh. Ky është niveli më i lartë që ka shënuar monedha europiane në dy vjet, që prej prillit të 2018-s. Në rritje të fortë janë edhe valutat e tjera, si dollari amerikan dhe paundi britanik.
Ekspertët vlerësojnë se bëhet fjalë për një situatë artificiale, e ndikuar kryesisht nga pasiguria e lartë, veçanërisht pas lajmeve për goditje të sektorëve të turizmit dhe eksporteve, që janë edhe gjeneruesit kryesorë të valutës.
Nga ana tjetër, në treg po konstatohet një mungesë fizike e euros. Kjo për shkak të mbylljes së fluturimeve ajrore të disa linjave me tiranën. Burime nga Banka e Shqipërisë bëjnë të ditur se janë marrë masat që kjo çështje të zgjidhet dhe pritet që së shpejti bankat të sjellin euron fizike nëpërmjet një charteri.
Një tjetër element që mendohet se po ndikon në forcimin e euros është edhe mosaktivizimi i parasë nga aktivitetet informale, që për momentin po qëndron e fjetur, për shkak të pezullimit të aktivitetit ekonomik në vend.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
