Mjeku Petrit Vargu: Po i bëni varrin vetes, nuk nxirret inati në këtë formë

Mjeku i Urgjencës së Qendrës Spitalore “Nënë Tereza”, Petrit Vargu gjatë një bisede telefonike me Fax News u shpreh se mosbindja ndaj udhëzimeve të autoriteteve nga ana e qytetarëve në lidhje me virusin vdekjeprurës është ti bësh varrin vetes.

Fjala e mjekut:

“Sjellja në këtë mënyrë është ti bësh varrin vetes. Nuk nxirret inati, nuk nxirret anomalia dhe pakënaqësia ndaj qeverisë duke kundërshtuar në këtë formë, ne duhet të ruajmë të dashurit tanë. Ky është një virus që po përhapet shpejt, nuk është një grip por virus vrastar. Duhet të kërkojmë nga ana tjetër atë çfarë çdo qeveri duhet ti japë atë që i takon. Nëse ne do të dinim numrin real të prekurve mund të justifikohen masat, por nuk janë treguar numrat reale”-tha mjeku i njohur.