Mesazhi i mjekes nga Infektivi: Qëndroni në shtëpi, ju nuk e dini se çfarë po ndodh këtu

Shefja e Spitalit Infektiv Najada Çomo ka dhënë një mesazh të fortë sensibilizues për të gjithë qytetarët që të rrinë në shtëpitë e tyre. Përmes një postimi të ministers Manastriliu në rrjetet sociale, Çomo thotë për fat të mirë situata deri më tani është nën kontroll, por ajo apleon për qytetarët që të mos largohen nga shtëpitë e tyre.

Sipas saj ajo që po ndodh në këtë spital është shumë e rëndë dhe se të gjithë duhet të rrinë në shtëpitë  e tyre.

“Përshëndetje në këtë orë të vonë, në shërbim të pacinetëve aty ku është numri më i lartë i të infektuarve nga COVID-I, dua t’ju jap një informacion të shkurtër lidhur me situatën.

Natyrisht kemi forma mjaft të rënduara, forma të mesme dhe shtim të pacintëve në shërbim, lajm optimist është edhe numri i personave të shëruar nga shërbimi. I gjithë shërbimi mjekë, infermierë, kryeinfermierë, sanitarë, imazheristë janë të gjithë në krye të detyrës 14 orë në 24. Por duhet të rris sensibilizimin e popullatës.

Kur me duhet të lëviz në Tiranë për të ardhur shikoj njerëz në rrugë, është e tmerrshme që ata nuk e dinë se c bëhet tek Infektivi.

Të dashur njerëz qëndroni brenda sepse është gjëja më e vogël që mund të bëni për familjarët tuaj dhe shokët tuaj.

U bëj thirrje atyre që kanë të sëmurë në familje dhe pensionistë që të qëndrojnë kategorishisht në shtëpi sepse janë grupi më I rrezikuar dhe për të ndaluar situatën që të rëndohet nga COVID-i.

Ne jemi gjithmonë për juve, Por juve qëndroni në shtëpi”, ka thënë Como.