LIGJET E BIZNESIT
Në kuadër të situatës së krijuar nga koronavirusi, dhe masave të marra për parandalimin e përhapjes së tij, ka ardhur dhe reagimi i avokatit të njohur Spartak Ngjela.
Ai është shprehur me ton revoltues kundrejt ministres së Shëndetësisë Ogerta Manastirliu dhe kryeministrit Edi Rama.
Avokati ka shtuar se Rama nuk e di që ministri i Shëndetësisë duhet të jetë profesor në mjekësi, madje dhe epidemiolog.
Sipas tij ky është kusht në Perëndim, sepse vlera e tij del e shfaqet në një orë rreziku epidemik.
REAGIMI I PLOTE I AVOKATIT SPARTAK NGJELA
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
E nga të mos i vinte Shqipërisë epidemia: ministrja e Shëndetësisë nuk qenka mjeke, por një mësuese biologjie.
E ku e kupton dot Ramë ziu që ministri i shëndetësisë duhet të jetë profesor në mjekësi, dhe jo vetëm kaq, por që të jetë edhe epidemiolog. Ky është kusht në Perëndim, se vlera e tij del e shfaqet në një orë rreziku epidemik. Kaq!
Kjo epidemi mund të zgjasë me muaj. Urgjentisht ministrinë sot duhet ta drejtojë një profesor në medicinë, që njeh epidemiologjinë. Vetëm një mësuese biologjie, si kjo që kemi, nuk mund ta kuptonte dot që epidemia e mbart me vete frikën shoqërore, dhe sot në Itali jetojnë 800 mijë shqiptarë, të cilët do t’i drejtoheshin shtëpive të tyre me frikë (!)
Turp!
Epidemia mbërriti në Shqipëri nga Italia, dhe me anë të shqiptarëve të infektuar atje. Po masat në kufirin shqiptar çfarë ishin? Masat e ministres qenë ato që iu kërkon mësuesja e fillores nxënësve të një fshati të humbur të Shqipërisë.
Të na rrojë miqësia Rama!
