LIGJET E BIZNESIT
Në një lidhje në emisionin “360 gradë”, mjeku Pëllumb Pipero dhe analisti Shpëtim Nazarko janë përplasur me njëri-tjetrin në lidhje me pikun e infektimit të njerëzve mekoronavirus në Shqipëri.
Sipas analistit Nazarko, piku i përhapjes së koronavirusit në vendin tonë ka qenë në 25 janar-25 shkurt, gjë të cilën Pipero e kundërshtoi duke u shprehur se fillimet e virusit vdekjeprurës në Shqipëri kanë qenë në fundin e shkurtit.
“Drejtori i Farmakologjisë italiane hidhte idenë që ata e kanë pasur njëkohësisht me Kinën. Pse i mbahem tezës që piku është 25 janari ose 25 shkurti. Nëse vërtetohet kjo e doktor Piperos, dhe periudha e inkubacionit është 14 ditë. Nuk e besoj se ky do të ishte një gjenialitet i mjekësisë shqiptare,“- deklaroi Nazarko.
“Rastet e para në Shqipëri kanë filluar të qarkullojnë në javën e tretë ose të katërt të shkurtit. Dhe për fat të keq kjo epidemi, i ngjan një ajsbergu, shohim vetëm rastet klinike dhe jo ato të tjerat. Vazhdoj të këmbëngul se duhen testime për konfirmim, jo për depistim. Unë e kam thënë që në fillimet e kësaj epidemie që në opinionin tim, bazuar në indikatorë të rëndësishëm epidemiologjik, kjo epidemi së paku do të zgjasë 4 muaj. Ndërkohë masat shtrënguese të qeverisë do të zgjasin të paktën 4-5 javë nga koha e fillimit. Por duke iu referuar një epidemiologu të madh, në këtë situatë parashikime të sakta nuk ka. Unë mendoj se masat shtrëngese do të vazhdojnë deri nga java e dytë e prillit. Besoj fort që masat shtrënguese do të fillojnë të lirohet pas javës së dytë të prillit, sepse në logjikën e kësaj epidemie duhet që ne të quhemi të çliruar nga epidemia duhet së paku një muaj pa raste të reja nga rasti i fundit,“- theksoi mjeku Pipero.
