LIGJET E BIZNESIT
Ministrja e Shëndetësisë Orgerta Manastirliu në një lidhje direkte me emisionin “Opinion” deklaroi se Shqipëria ka gati më shumë se 9 mijë shtretër në spitale dhe se në dispozicion janë edhe kapacitetet e spitaleve private.
“Aktualisht gjendja në spitale do të jetë dinamike, por momentalisht paraqitet e qetë. Ne kemi marrë disa masa për të reduktuar ndërhyrjet e planifikuara. Në Shqipëri ne kemi mbi 9 mijë shtretër në dispozicion përfshirë edhe spitalet jo publike të cilat janë vënë në dispozicion të situatës sipas skenarëve që kemi planifikuar”, deklaroi Ministrja Manastirliu.
Ministrja e Shëndetësisë më tej shton se po përgatitet hapja e një qendre të dytë për të bërë testimet e pacientëve që shfaqin simptoma. Sipas Ministres Manastirliu nuk ka mungesë të tamponëve për të kryer analizat.
“Ne jo vetëm që kemi tamponë dhe kitet dhe reagentë për të kryer atë analizë që duhet, por kemi dhe vijojmë të furnizohemi në vazhdim me të gjithë testimet. Ndërkohë planifikojmë të hapim dhe një qëndër tjetër me aparaturat që i kemi në spitalin tonë për të krijuar dhe qendrën e dytë që do të jetë në spitalin “Nënë Tereza”. Ne do të vijojmë të testojmë të gjithë ata qytetarë që shfaqin simptoma. Tamponi apo testi nuk i bëhet çdo njeriu që mund të ketë çdo simptomë sepse fare mirë mund të jetë edhe një grip i lehtë”.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
