LIGJET E BIZNESIT
Brenda 24 orëve janë konfirmuar 4 raste të reja të prekur me koronavirus në Shqipëri.
Sipas Institutit të Shëndetit Publik raportohet se janë testuar 27 persona të dyshuar, qytetarë dhe personel shëndetësor, prej të cilëve janë konfirmuar 4 raste të reja me COVID-19.
Deri në këto momente janë testuar 532 raste të dyshuara dhe prej tyre janë të konfirmuar pozitivë me COVID-19 42 qytetarë, nga të cilët 26 prej tyre janë nga Tirana 5 nga Durrësi (njëri prej të cilëve ka ndërruar jetë), 2 nga Lushnja, 2 nga Elbasani, 5 nga Fieri dhe 2 nga Rrogozhina
17 persona janë të shtruar në spitalin Infektiv (nga Tirana, Durrësi, Fieri, Lushja dhe Rrogozhina), tre prej tyre janë në terapi intensive, një 66 vjeçar nga Lushnja dhe një 61-vjeçare nga Fieri dhe një 50 vjeçar nga Tirana, ndërsa pjesa tjetër e të shtruarve në pavion janë në gjendje të stabilizuar deri në këto momente.
Ministria e Shëndetësisë dhe Mbrojtjes Sociale i bën apel qytetarëve që paraqiten në spitale të njoftojnë personelin shëndetësor nëse kanë udhëtuar jashtë vendit, ose nëse kanë një familjar ose të afërt që ka udhëtuar jashtë vendit.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Njoftoni nëse keni patur kontakt me persona që kanë udhëtuar apo kanë shenja të sëmundjes. Mos vizitoni të afërmit në spitale sepse shkaktoni rrezik edhe për personelin shëndetësor. Ju lutem bashkëpunoni me mjekët dhe me autoritetet! Sot është detyrim që ne të mbrojmë personelin shëndetësor duke treguar ndërgjegje të lartë në raport me të vërtetën, atë që secili prej nesh duhet të bëjë: Shmangni vajtjet direkte në spitale. Telefononi 127 dhe ndiqni këshillat që merrni nga personeli shëndetësor”, citohet në njoftimin e ministrisë.
