LIGJET E BIZNESIT
Mediat spanjolle kanë publikuar lajmin, se këshilltari i ministres Olta Xhaçka, Amant Josifi është përfshirë në një skemë ndërkombëtare mashtrimi me një Call Center, duke xhiruar 10 milionë euro në javë.
Viktimë e kësaj skeme kanë rënë rreth 200 persona, të cilët mashtroheshin duke u shitur aksione apo ‘Bitcoin’.
Sofiana Gjuzelaj dhe Dojana Kaso, tregojnë se kanë punuar në këtë call center, por sot janë pa punë, pasi janë hedhur në rrugë pa marrë dot as pagat.
Ato kanë punuar në kompaninë e quajtur Euro Servis Grup.
I kanë hedhur në rrugë përmes një e-mail, pa shpjegime e pa u likujduar.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Gjatë periudhës së punës, ato kanë qenë të siguruara vetëm për një shumë të vogël parash, e të tjerat i merrnin në të zezë.
Vajzat thonë se aksioneri shqiptar, Amant Josifi, i ka bllokuar në çdo formë kontakti e po kështu nuk lidhen dot as me italianin Zhan Pol.
Recpesionistja dhe ekonomistja e kompanisë nuk japin asnjë shpjegim, duke ia atribuar përgjigjen aksionerëve.
Denoncuesja takon ekonomisten e
Qytetarja: Si jeni? Ca bëhet? Puna?
Ekonomistja: Mirë!
Qytetarja: Ndonjë të re?
Ekonomistja: Asgjë!
Qytetarja: Për lekët e Prillit?
Ekonomistja: Asnjë lloj gjëje.
Qytetarja: Po për lekët, që nuk i kam marrë?
Ekonomistja: Te administratori i kompanisë.
Qytetarja: Kush është administratori tani?
Ekonomistja: Zhan Poli.
Qytetarja: Eee Amanti?
Ekonomistja: Amanti nuk është më administrator.
Qytetarja: Po përgjegjësinë ai e ka pas?
Ekonomistja: Ç’ka pas, ka pas, por kush e ka, e kush vazhdon.
Qytetarja: Me kë mund të flas, tjetër përveç teje?
Ekonomistja: Zhan Polin!
Qytetarja: Ku mund ta gjej?
Ekonomistja: Nuk e di unë ku është. Unë vazhdoj të përsëris, që herën e fundit, që ke qenë dhe ti gjithashtu, që ka qenë dhe Klevi, e kam sqaruar, që unë nuk kam më punë.
Qytetarja: Unë lekët ku t’i gjej? Janë gati tre milionë lekë, nuk janë pak.
Ekonomistja: Unë nuk të jap dot drejtim.
Qytetarja: S’jepni drejtim? Ku ta gjej drejtimin?
Ekonomistja: Tek unë jo!
Qytetarja: Zhan Poli është i pari.
Ekonomistja: Përgjegjësi ligjor.
Qytetarja: Këtu vjen?
Ekonomistja: Unë s’e kam parë.
Gazetarja kontakton me recepsionisten
Recepsionistja: Për momentin, ato vijnë më vonë. Zakonisht puna fillon në 10. Po nuk kanë ardhur akoma.
Pas disa minutash
Recepsionistja: Më thanë, se administratori është Zhan Pol Mak Makoni, i cili këtu nuk ka zyrë.
Gazetarja: Ok! Shumë bukur! Më ço tek ekonomistja.
Recepsionistja: Nuk ka fare.
Gazetarja: Si s’ka fare?
Recepsionistja: Asnjë përfaqësues legal të atij këtu.
Gazetarja: Si nuk ka asnjë përfaqësues legal?
Recepsionistja: Mua kështu më kanë thënë.
Gazetarja: Me kë u lidhe ti në telefon?
Recepsionistja: Me administratorin kërkoja të lidhesha, është e pa mundur.
Gazetarja: Me italianin?
Recepsionistja: Po!
Gazetarja: Një përfaqësues ligjor shqiptar, nuk ka asnjë?
Recepsionistja: Jo! Ato punojnë vetë.
Gazetarja: Besoj, se do ketë një person tek burimet njerëzore, një ekonomiste?
Recepsionistja: Ke shumë të drejtë! Unë kaq di, kaq di të të them. Këtu përfaqësues legal të kompanisë, për të cilën ju keni ardhur, nuk ka. Është vetëm ai administratori, i cili nuk ka zyrë që të rrijë këtu.
Gazetarja: E si funksionon puna këtu, nëse nuk ka asnjë përfaqësues ligjor?
Recepsionistja: Unë nuk di, të të përgjigjem për këtë. Kaq di! /tvklan.al
