LIGJET E BIZNESIT
Ditën e sotme Policia e Shtetit ka dhënë një njoftim të rëndësishëm për të gjithë personat që qarkullojnë me automjete për të shkuar në punë, të gjithë punonjësit e administratës dhe biznesit ( që kanë plotësuar formularin e vetëdeklarimit) në oraret 05.00 e deri në 08.00 dhe për kthim deri në orën 13.00.
Në njoftim thuhet se nga ky ky kufizim përjashtohen të gjitha automjetet e transportit të mallrave, produkteve ushqimore. Në njoftim theksohet se pas orës 13:00 nuk lejohet të lëvizë asnjë qytetar dhe nuk lejohet që të jetë hapur asnjë market, minimarket, apo farmaci. Po kështu, lejohen të punojnë furrat e bukës dhe prodhimet e mishit dhe ato blegtorale, por por për të prodhuar dhe jo tregtuar.
NJOFTIMI ZYRTAR I POLICISE
Në përgjigje të pyetjeve të shumta të adresuara nga qytetarët në adresat zyrtare të Policisë së Shtetit, sqarojmë se:
Lejohen të qarkullojnë me automjete për të shkuar në punë duke plotësuar formularin e VETËDEKLARIMIT të gjithë punonjësit e administratës dhe biznesit në oraret 05:00 deri në orën 08:00 dhe për kthim nga ora 12:00 deri në orën 13:00.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Përjashtohen nga ky kufizim të gjitha automjetet e transportit të mallrave, produkteve ushqimore, fruta-perimeve dhe atyre blegtorale, me qëllim furnizimin e marketeve dhe minimarketeve dhe dyqaneve ushqimore. NUK lejohet asnjë qytetar që të lëvizë me automjet pa plotësuar formularin e vetdeklarimit dhe pa marrë konfirmim për lëvizje.
Pas orës 13:00 NUK lejohet të lëvizë asnjë qytetar, përjashtuar kthimin për në banesë të punonjësve të linjave prodhuese, të Shëndetësisë, Ushtrisë, Policisë së Burgjeve, SHPSF, të atyre personave që janë të përfshirë në listat e shërbimeve të bashkive dhe shërbimeve në banesë. Pas orës 13:00 NUK lejohet të jenë hapur asnjë market, minimarket, apo farmaci.
Përjashtohen nga ky kufizim vetëm linjat e prodhimit të bukës, ushqimoreve, prodhimit të mishit dhe atyre blegtorale vetëm për të prodhuar, por JO për të tregëtuar. NUK lejohet lëvizja e këmbësorëve për shëtitje, sport e çdo aktivitet që nuk ka lidhje me furnizmimin me produkte për konsum.
Policia e Shtetit u bën thirrje qytetarëve që gjatë orarit të lejuar lëvizje, të mos qarkullojnë masivisht apo të mblidhen në parqe e lulishte, të ruajnë distancën në markete e minimarkete dhe të evitojnë në maksimum lëvizjet e kota, me qëllim parandalimin e përhapjes së COVID-19.
