LIGJET E BIZNESIT
Pasditen e sotme do të mbahet tubimi i thirrur nga presidenti Ilir Meta përpara godinës së kryeministrisë nën moton e mbrojtjes së Kushtetutës.
Shumë figura politike kanë rënë dakord për të marrë pjesë, por mesa duket edhe shumë të tjerë janë kundër.
Një nga personat që nuk e mbështet këtë protestë është dhe ish-kryetarja e parlamentit Jozefina Topalli.
Ajo e ka ironizuar këtë manifestim dhe vetë presidentin Meta duke nxjerrë një fotografi gjatë një seancë parlamentare shumë të tensionuar dhe me nota revolte.
Kjo seancë mbahet mend nga publiku si dita kur Ilir Meta humbi durimin dhe në shenjë proteste në parlament tentoi të sulmonte dhe vetë Topallin në krye të Kuvendit.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Asokohe ishte viti 2006 dhe Partia Demokratike ishte në pushtet ndërsa Ilir Meta në opozitë me Partinë Socialiste.
E gjithë skena ndodhi kur PS dhe PD bënë marrëveshje për të përjashtuar partitë e vogla të cilat nisën grevën e urisë në Parlament.
Me këtë foto, në të cilën Topalli shfaqet e palëvizur ndërsa Meta ngre dorën, ish-kryeparlamentarja tregon se nuk është aspak dakord me protestën e sotme të Presidentit dhe i kujton që edhe dikur ka qenë po kundra partisë të cilën pasditen e sotme Kreu i Shtetit do ta ketë në krah.
