“Jeni heronjtë tanë!” Basha mesazh special për mjekët: Zoti ju bekoftë ju dhe të afërmit tuaj

Kryetari i Partisë Demokratike Lulzim Basha ka zgjedhur që vëmendjen ta kthejë nga mjekët dhe infermierët të cilët janë në krye të detyrës në këto ditë emergjente për shkak të situatës së krijuar nga koronavirusi.

Lideri demokrat i quan bluzat e bardha heronj, ku mendja dhe zemra e cdo shqiptari është me ta.

REAGIMI I PLOTE I KRYEDEMOKRATIT LULZIM BASHA

Të dashur mjekë, infermierë dhe punonjës të shëndetësisë kudo në Shqipëri dhe personeli i Spitalit Infektiv në Tiranë!

Jeni heronjtë tanë!

Mendja dhe zemra e çdo shqiptari është me ju! Zoti ju dhëntë forcë dhe kurajo për ta përballuar këtë sfidë që kemi përpara! Në këto kohë ju nuk jeni vetëm prindër, bashkëshortë, bijë e bija, motra dhe vëllezër të familjarëve tuaj, por të të gjithëve ne bashkqytetarëve tuaj. Mirënjohje të thellë kombëtare për secilin prej jush! Askush nuk ju sheh çuditshëm, e gjithë Shqipëria ju sheh me admirim për punën dhe përkushtimin tuaj! Zoti ju bekoftë ju dhe të afërmit tuaj! Zoti e bekoftë Shqipërinë!