Java nis me surpriza, ja çfarë rezervon moti për ditën e sotme

Java në të cilën sapo hymë do të nisë me reshje shiu.

Ditën e sotme, territori shqiptar do të mbetet në ndikimin e kushteve të paqëndrueshme atmosferike, të cilat do të kushtëzojnë në vendin tonë vranësira të dendura dhe reshje shiu herë pas here me intesitet mesatar dhe lokalisht intensive.

Sipas parashikimit të motit nga Meteoalb, Këto kushte atmosferike mbeten deri në mbrëmje kur kemi përmirësim të përkohshëm të motit.

Temperaturat e ajrit rriten sërisht në mëngjes dhe mesditë duke luhatur vlerat ekstremale ditore nga 1°C në zonat verilindore deri në 20°C në jugperëndim të vendit.

Era do fryjë e fortë me shpejtësi deri 70 km/h nga drejtimi jugor duke gjeneruar brigjet detare dallgëzim 6 ballë.