LIGJET E BIZNESIT
Kreu i Organizatës Botërore të Shëndetësisë, Tedros Adhanom Ghebreyesus ka bërë një deklaratë mjaft shqetësuese në lidhje me koronavirusin.
Gjatë konferencës së mbajtur në Gjenevë, kreu i OBSH tha se personat e prekur nga koronavirusi mund të infektojnë sërish të tjerët edhe pas shërimit. Sipas tij, persomat që shërohen nga koronavirusi duhet që të mbajnë masa mbrojtëse edhe dy javë pas zhdukjes së simptomave.
“Personat e prekur nga koronavirusi, mund të infektojnë të tjerët, edhe pas shërimit dhe kur nuk kanë asnjë simptomë. Kështu që masat e mbrojtjes duhet të vijojnë së paku edhe dy javë pas zhdukjes së simptomave”, tha ai.
Tedros Adhanom Ghebreyesus deklaroi se numri i viktimave të shënuara nga koronavirusi në botë, ia ka kaluar shifrave të viktimave të shënuara në Kinë.
Sipas Kreut të OBSH-së, mënyra më e mirë për të parandaluar infeksionin, është ndërprerja e rrjetit të transmetimit dhe se për ta bërë një gjë të tillë është i nevojshëm izolimi dhe testimi.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
