Mjeku Tritan Kalo ka folur sot edhe për gjendjen e dy pacientëve babë e bir, të cilët janë shtruar në pavionin infektiv të QSUT si pasojë e prekjes nga koronavirusi.
“Do të flas konkretisht për dy të sëmurët e shtruar në spitalin Infektiv. Janë në gjendje shumë të mirë. Ne i kemi vizituar, unë vetë personalisht sot në mëngjes.
Kanë një nivel saturinimi – oksigjenimi i themi ne, në mushkri: Djali që ishte më problematik, pra rasti zero, me 100%; ka temperaturë maksimale 37.2; ka elementë pulmonarë kompaktibël, të përputhshëm me një infeksion.
Ndërsa personi i kontaktit të ngushtë, që është përsëri i infektuar, kishte një saturinë pak më të ulët, në përputhje edhe me duhanpirjen e tij kronike, se ka përdorur duhan për një kohë të gjatë, por pa temperaturë. Me element shumë të vakët pulmonarë, janë në gjendje mjaft të mirë dhe ka filluar mjekimi sapo janë hospitalizuar në përputhje me standartet.” u shpreh mjeku, në një konferencë përpara gazetarëve.
