“Henrin e njohin të gjithë” flet nga burgu kunati i Çilit: Është show, ja kush e organizoi

Një nga emrat më të komentuar pas arrestimit të botuesit dhe analistit Henri Çili, është dhe kunati i tij Enri (Gazmir) Ajdinaj, i cili aktualisht ndodhet në burg.

Ai ka folur për herë të parë nga qelia e tij në burgun e Tepelenës, duke e konsideruar të gjithë këtë që ndodhi një shoë, për ti prishur imazhin Çilit.

Ai shtoi se përgjimet janë të vërteta por nuk ka asgjë që mund të konsiderohet e jashtëligjshme.

Sipas Ajdinajt gjithcka ka ndodhur për shkak të prokurorit Asllan Bajrami, për ti prishur imazhin pronarit të UET.

“E gjithë kjo që ka bërë prokurori Asllan Bajrami është një fasadë për t’i prishur imazhin si Henri Cilit si familjes time. Operacion i pakuptim dhe dalin aty e bëjnë shoë me emrin e Henri Cilit. Henrin e njohin të gjithë, gjithë Shqipëria, e njohin shumë mirë se kush është. Kanë shfrytëzuar rastin dhe e kanë përmendur në çdo gjë të kotë. Nuk ka asnjë lloj përgjimi të paligjshëm mes meje e Çilit. Çdo gjë është brenda ligjit, ai ka një studio ligjore dhe i lejohet të ndërmjetësojë çdo lloj drejtimi, në lidhje ndërmjetësimi avokatie dhe personit që ka probleme me ligjin që ta ketë në funksion ligjor, brenda ligjor. Henrit i kanë futur akuza që një zot i madh e di, edhe vetë prokurori jam i sigurt që  çuditet me gjithë ato akuza që ka bërë se janë të pakuptimta. E gjithë kjo ka një prapaskenë se ndryshe nuk ka kuptim e gjithë kjo gjë. “, ka deklaruar ai për Report Tv.