LIGJET E BIZNESIT
Ditën e sotme kryetari i Partisë Demokratike Lulzim Basha propozoi një plan me 8 pika për të ndihmuar ekonominë dhe krizën që mund të sjellë situata e krijuar nga koronavirusi.
Menjëherë pas kësaj ka ardhur dhe reagimi i kryeministrit Edi Rama, i cili shkruan në një postim në rrjetet sociale se Basha duhet të flejë tashmë sepse i ka ardhur dita.
Duke përdorur ironinë, kryeministri thekson se Basha duhet të lajë sytë dhe duart që të kuptojë se është zgjuar dhe mos u tregojë njerëzve sesi duket virusi nga Hëna.
“Mirë virusi e mirë gjithë ky mal me halle mbi kokën e popullit, po s’të le as 7X7=42-shi me masat fantastike që i përsërit duke folur në gjumë! Fli o xhan fli se të erdhi dita po pas duarve laj edhe sytë që ta kuptosh se je zgjuar e mos i tregosh miletit si duket virusi nga hëna,”- shkruan Rama në Twitter.
