LIGJET E BIZNESIT
Pas konfirmimit të 10 rasteve të personave të prekur me koronavirus në Shqipëri, një apel i fortë është bërë nga drejtoresha e Institutit të Shëndetit Publik Albana Fico.
Ajo bën thirrje që qytetarët të kujdesen për higjendën e tyrë në mënyrë që të parandalohet përhapja e koronavirusit.
Ndër të tjera Fico shtoi se qytearët duhet të shmangin daljen e panevojshme nga banesat, të mos frekuentojnë lokalet etj.
“Përsa i përket testimeve ashtu si tha dhe zv.ministrja kemi 114 të testuar në ISHP dhe dua t’ju siguroj për nivelin e kapaciteteve. Në daljet tona publike përfaqësues të institutit pyetjet e bëra nga ju i jemi përgjigjur. 200 deri në 500 kite kemi siguruar. Analizat teknike funksionojnë 24 orë. Apeloj që të zbatohen rregullat e higjienës personale, për larjen e duarve mbi 20 sekonda, përdorimi i dezinfektantëve, respektimi i higjienës respiratore.
Duhen përsëritur.
Nëse kollitemi përdorim farcoletë që e hedhim menjëherë ose gropën e bërrylit.
Të krijojmë mundësinë vetes dhe që ne njohim për distancimin social. Nuk është vendi për të folur për 1.5- 1.2 m, por jemi të informuar që një nga mënyrat e përhapjes janë edhe spërklat.
Në sipërfaqet ku punojmë duhet të infektohen. Shpesh thuhet që përderisa kemi larë duart nuk ka problem. Të zbatohen urdhërat e Ministrisë dhe rekomandimet e ISHP.
T’i kursejmë vetes përhapjen e koronavirusit kur është e panevojshme dhe kur mund të ndalet. Evitoni daljet e panevojshme, lokale apo vende të tjera. Shmangni transportin publik. Mos shkoni në lokale apo restorante.
Frika është njerëzore, paniku është frikë e pakontrolluar. Nëse doni informacion i keni në faqen tonë zyrtare”- tha Albina Fico.
