LIGJET E BIZNESIT
Evakuohen nga zyrat në Londër punonjësit e rrjetit social Facebook, pasi një koleg i tyre ka rezultuar pozitiv i prekur nga koronavirusi.
Punonjësve të Facebook iu është thënë të kthehen në shtëpitë e tyre, sepse kolegu i tyre i sëmurë kishte vizituar zyrat pasi ishte kthyer nga një udhëtim në Singapor.
Sipas “Sky News” stafit që ka patur kontakt direkt me personin e infektuar i është kërkuar që të vetë-izolohen. Facebook po njofton edhe punonjësit në qytete të tjera që gjatë ditëve të fundit kanë vizituar zyrat në Londër.
Facebook tha në një njoftim se: “Punonjësi ynë nga Singapori që kishte rezultuar pozitiv me COVID-19 ka vizituar zyrat në Londër në 24-26 shkurt 2020.
Ndaj po mbyllim zyrat tona në Londër deri të hënën, për të kryer një pastrim të thellë, dhe punonjësit do të vijojnë punën nga shtëpia”.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
