LIGJET E BIZNESIT
Këngëtarja e njohur Elhaida Dani ishte në një lidhje Skype nga Italia për emisionin “Rudina”. Ajo tregoi se prej ditësh është izoluar në shtëpi për shkak të situatës së krijuar në Itali nga koronavirusi.
Elhaida thotë se është e vështirë për shkak se gjithë familjen e ka në Shqipëri dhe jeton e vetme aty. Por kjo kohë, i ka dhënë mundësinë t’i dedikohet gjërave, që në një ditë normale nuk mundej.
Rudina Magjistari: Ndodhesh në shtëpi tani aktualisht apo jo?
Elhaida Dani: Po!
Rudina Magjistari: Edhe ti e izoluar. Prej sa ditësh?
Elhaida Dani: Prej 5 ditësh!
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Rudina Magjistari: Çfarë po ndodh aty?
Elhaida Dani: Të them të drejtën, situata është pak e komplikuar, siç e dinë të gjithë. Qyteti është i heshtur. Kam patur kohë ama, kjo është gjëja pozitive, që t’ju dedikohem të gjitha gjërave që nuk kam kohë, kur jam duke punuar, kur kam një ditë tjetër, një rutinë tjetër. Prandaj tani studioj, lexoj, gatuaj, të gjitha gjërat që nuk kam kohë t’i bëj në një ditë normale.
Rudina Magjistari: Po 5 ditë janë shumë ka filluar të ndjehesh pak e lodhur? Si e mendon në ditët në vijim, çfarë do bësh ndryshe?
Elhaida Dani: Ne shyqyr që kemi internetin sepse lidhemi me familjen. Unë jetoj vetëm në Itali dhe kjo është gjëja që doja t’ju jepja një mesazh gjithë shqiptarëve, kur je në shtëpi me familjen, me fëmijët, apo miqtë që jeton është diçka tjetër, nëse jeton vetëm, unë jetoj vetëm në Itali, gjithë familjen time e kam në Shqipëri dhe është akoma më e vështirë, është e lodhshme, është e mërzitshme ndonjëherë dhe nuk mundesh më, e ke parasysh që duhet të shpikësh gjëra të reja çdo ditë, çdo minutë, por shyqyr që lidhemi me internetin me Skype me familjen dhe kjo gjë më ka ndihmuar jashtë mase. /tvklan.al/
