LIGJET E BIZNESIT
Ditën e sotme ka nisur edhe seanca parlamentare në Kuvend.
Deputetja e opozitës së re Rudina Hajdari ka komentuar fenomenin e dhunës ndaj gruas, ku ka nisur të flasë me tone të ashpra dhe e revoltuar.
Ajo bëri dhe një deklaratë tronditëse, duke zbuluar se edhe vetë ka rënë pre e dhunës.
“Më lejoni të prek sot dy probleme. Isha në Ballsh javën e kaluar për të folur me naftëtarët për pagat e tyre. Historia e tyre është e dhimbshme,kur ne shpesh i dëgjojmë historitë e tyre, shikojmë vetëm ca shifra.
Qeveria sot nuk i ka qejf njerëzit e varfër. Naftëtari Gramozi më thoshte që shkonte çdo ditë dhe helmohej për të përpunuar naftën dhe këtë e bënte për fëmijët e tij.
Naftëtarëve nuk nuk është siguruar paga. Një histori tjetër ishte rrëfimi i një naftëtarit që tha nuk kam lekë t’ja çoj fëmijës që kam në Tiranë, kam marrë borxh më tha. Çfarë bën sot qeveria arrogante përballë këtyre njerëzve?
Këto histori janë histori të vëllezerve tanë, ndaj tyre ju keni vetëm një qasje grabitqare, ju jeni bërë miliarderëve. Kjo sallë është salla miliarderëve, si ka mundësi që ata njerëz jetojnë mbi naftë dhe nuk kanë para as për ilaçe. Ne jemi një vend me pasuri natyrore, po ndodh kjo që disa njerëz janë bërë miliardera dhe po grabitin shqiptarët. Pse naftëtarët janë akoma në grevë urie? Rama nuk e mbajti premtimin e tyre. Kemi një klasë politike që nuk i duron dot njerëzit e thjeshtë, madje sot i kanë bezdi.
Ju mos e harroni asnjëherë se për të gjitha këto mëkate të gjitha do të paguhen. Isha pikërisht në këtë parlament dy vite më parë, ku thashë për një gjyqtare që ishte vrarë, çfarë bëri parlamenti, asgjë. Në 2 muaj janë vrarë 7 gra. Vajzat dhe gratë dhunohen çdo ditë, më vjen keq që pas dy vjet e gjysmë, vriten gra në rrugët e Tiranës. Çfarë po bëni ju sot? A e kuptoni ju sot, që çdo grua që ju keni në krah mund të jetë dhunuar një ditë. Duhet të luftojmë për këtë fenomen. Zonja ministre duhet të kishte marrë për këtë gjendje. Ministri i rendit duhet të kishte marrë masa për këto fenomene. Deklaroj edhe unë para jush që edhe unë kam qenë viktimë e dhunës. Unë kam qenë viktimë e dhunës, fëmija ime nuk ka pse të jetë viktima e dhunës. Mund të ketë edhe nëna ime viktimë e dhunës. “ deklaroi Rudina Hajdari nga foltorja e Kuvendit.
