E rëndë/ Familjarët e kërkonin, gjendet i mbytur 29 vjeçari në Krujë

Një ngjarje e rëndë ka ndodhur sot në Krujë.

Mësohet se 29-vjeçari me iniciale G.L, i cili kërkohej prej kohësh nga familjarët, është gjendur i mbytur në breg të rezervuarit “Pengile” në lagjen nr.4 të qytetit.

Ende nuk dihet si ka ndodhur ngjarja, ndërkohë që nga këqyrja paraprake e trupit të viktimës nuk janë konstatuar shenja dhune.

NJOFTIMI ZYRTAR I POLICISE

Krujë/Informacion paraprak

Më datë 07.03.2020, rreth orës 12:45, në breg të rezervuarit “Pengile” në lagjen nr.4, Krujë, është gjetur i mbytur shtetasi G.L.,29 vjeç, i cili vuante nga shendeti mendor dhe ishte shpallur në kërkim nga Komisaritati i Policisë Vorë, pas kallzimit të bërë nga familjarët. Nga kqyrja paraprake nuk janë konstatuar shenja dhune. Grupi hetimor ndodhet në vendngjarje dhe po punon për zbardhjen e ngjarjes.