E frikshme/ Spanja ia kalon dhe Kinës, ja sa viktima janë shkaktuar për 24 orë

Një rekord me shifra tragjike është vendosur në Spanjë, për shkak të pandemisë së koronavirusit.

Mësohet se në vetëm 24 orë janë shënuar 738 viktima.

Të dhënat janë publikuar nga autoritetet vendase, dhe sipas informacioneve numri i viktimave në vend është 3434 persona, ndërsa të konfirmuar mbi 47.600 raste pozitiv me COVID19.

Kështu Spanja, ja kalon dhe Kinës për nga numri i viktimave, i cili numëron 3.281 persona që kanë ndërruar jetë.

Ndërkohë në Itali janë shënuar 6.820 viktima.

Autoritetet pritet të vendosin zgjatjen e gjendjes së jashtëzakonshme deri në 11 prill, por vendimi zyrtar do të merret pasdite.