Në Berat punonjësit e qendrës sociale, së bashku me qytetarët e tjerë kanë protestuar sot në qendër të qytetit. Ky marshim ka ardhur si shkak i vrasjeve makabre që janë bërë kohët e fundit.
Ndërsa me pankarta në duar që përcjellin mesazhe sensibilizuese qytetarët kanë marshuar në pedonalen e qytetit.
“Të mos heshtim ndaj dhunës”, “Duaje, mos e lëndo, fali dashuri, qëndroi pranë”, “Stop dhunës ndaj nënave dhe motrave tona”, shkruhej në disa nga pankartat.
Protestuesit kanë deklaruar se dhuna në familje ka ardhur si rezultat i varfërisë dhe kushteve të vështira ekonomike. Sipas tyre, nëse ka mirëqenie, nuk ka dhunë ndaj gruas. Pensionistët në këtë protestë kanë kërkuar dhe rritjen e pensioneve.
