Dezinfektim me pamje të vjedhura/ Bashkisë Tiranë i skadon propaganda, publikon videot e disa ditëve më parë

Në momente kur e gjithë bota ndodhet në alarm përballë kësaj pandemie që ka shkaktuar mijëra viktima dhe shqiptarët janë izoluar dhe të mbyllur në karantinë Bashkia e Tiranës vijon akoma të bëjë propagandë edhe në këto ditë tmerruese që ka përfshirë të gjithë kombin shqiptar, duke treguar nëpërmjet rrjeteve sociale se si qyteti i Tiranës dezinfektohet. Megjithatë këtë herë, Kreu i Bashkisë Erion Veliaj ka dalë blof.

Mëngjesin e 19 marsit, Veliaj e ka nisur ditën duke publikuar pamje nga dezinfektimi i qytetit.

“Mirëmëngjes nga një Tiranë totalisht e dezinfektuar! Por kjo ka pak vlerë nesë shkelim rregullat e daljes në grupe. Ndaj, JO PANIK, por edhe JO PIKNIK!”– shkruan Veliaj.

Po e njëjta video është publikuar edhe nga një qytetare, disa ditë më parë se kryebashkiaku. Këto pamje rezultojnë të jenë filmuar dhe publikuar në orën 18:58, këtë të hënë nga një qytetare, emrin e të cilës nuk po e bëjmë publik.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Mesa duket, Tirana dezinfektohet disa herë me të njëjtat pamje.