LIGJET E BIZNESIT
Ministria e Arsimit, Besa Shahini para pak ditësh ka prezantuar platformën më të re arsimore Akademi.al në të cilën nxënësit patën mundësi të marrin mësimet gjatë kohës që do jenë në shtëpi për shkak të Koronavirusit.
Në një postim në rrjetin social “Facebook” ministrja Shahini na prezanton me të riun Dean Çelaj, krijuesin e platformës Akademi.al i cili ka mbaruar studimet në “University College London” me bursë nga “Fondi i Ekselencës” nga Ministria e Arsimit, Sportit dhe Rinisë (MASR).
Dean Çelaj në një video-mesazh shprehet se platforma akademi.al kishte nisur si dëshirë e tij për të dhënë kontribut nga eksperienca e mbledhur ndër vite.
“Për shkak të kësaj situate emergjente, unë kam vendosur të ofroj falas 900 mësime në platformën akademi.al, në kanalin tonë në Youtube, si dhe në RTSH. Në bashkëpunim me MASR, po punojmë për të shtuar numrin e videove dhe për të mësuar sa më thjeshtë, ju mund të regjistroheni direkt te platforma akademi.al” thotë Dean Çelaj.
Postimi i plotë i ministres Shahini:
Ju prezantoj Dean Çelaj-n, i cili me bursë të “Fondit të Ekselencës” mbylli studimet në Teknologji Informacioni në University College London me medalje “First Class Honours”.
Deani është krijuesi i platformës Akademi.al, ku nxënësit patën mundësi të aksesojnë falas leksione të matematikës dhe shkencave.
#mësojmëngashtëpia?
