Çfarë po ‘kurdis’ Basha? Vetëm pak orë para tubimit, takon ambasadoren e SHBA

Vetëm pak orë përpara tubimit të thirrur nga presidenti Ilir Meta përpara godinës së kryeministrisë, vjen një lëvizje e papritur nga kryetari i Partisë Demokratike Lulzim Basha.

Mësohet se ai po zhvillon aktualisht një takim pune me ambasadoren e SHBA në Tiranë Yuri Kim, në hotel “Rogner”.

Kujtojmë se ky është takimi i dytë mes Bashës dhe Yuri Kim që pas marrjes së detyrës nga kjo e fundit.

Ende nuk dihet fokusi i bisedës që do të zhvillohet mes tyre, por ky takim vjen pasi Basha dhe forca politike që drejton kanë konfirmuar pjesëmarrjen në manifestimin e Kreut të Shtetit në mbrojtje të Kushtetutës.