Arrestohet Klodian Duro/ Si e kërcënoi ish-bashkëshorten, akuza që rëndon mbi ish-futbollistin

Një lajm tronditës  vjen për botën e sportit shqiptar.

Mësohet se ka rënë në pranga ish-futbollisti i Kombëtares, Klodian Duro.

Mbi të rëndon akuza e përndjekjes dhe kanosjes ndaj ish-bashkëshortes.

Çifti, të cilët janë dhe prindër të një vajze, mësohet se janë divorcuar përpara një viti.

Nga momenti i divorcit ish-bashkëshortja e Duros banonte në zonën e ish-bllokut në Tiranë dhe ishte e pajisur me urdhër mbrojtje.

Ajo e ka denoncuar vazhdimisht Duron për kanosje, përndjekje përmes mesazheve dhe dhunë në familje.

Më datë 24 mars në mbrëmje, Duro ka shkuar në shtëpinë e saj duke i rënë derës, ndërsa ajo ka njoftuar menjëherë policinë. Disa minuta më vonë, efektivët e rendit kanë mbërritur aty duke e arrestuar në flagrancë.

Më pas në momentin kur policia ka mbërritur në banesë, Duro ka pretenduar se ndodhej aty thjesht për ta takuar ish-bashkëshorten.

Futbollisti ndodhet në ambjentet dhe e Drejtorisë së Policisë së Tiranë, në pritje të dhënies së masës së sigurisë, e cila do të caktohet sot.