Ambasadorja e SHBA flet për COVID-19: Ata që përpiqeshin të dobësonin Shqipërinë vite më parë, janë duke u përpjekur sërish

Ambasadorja e SHBA-ve, Yuri Kim ka bërë një reagim të fortë lidhur me situatën e krijuar nga koronavirusi në Shqipëri dhe në vendet e tjera të botës. Ajo ka postuar një mesazh në faqen zyrtare të ambasadës, teksa ka shpërndarë artikullin mbi Raportin e Shërbimit Europian të Veprimit të Jashtëm. Ambasadorja Kim shigjeton në akuza Kinën, ndërsa shkruan se dikur përpiqej të dobësonte Shqipërinë.

“Raporti i Shërbimit Europian të Veprimit të Jashtëm (EEAS) tregon se ata që përpiqeshin të dobësonin Shqipërinë vetëm disa vite më parë, janë duke u përpjekur sërish – duke përdorur keqinformim dhe propagandë për të fshehur të vërtetën, duke hequr fajin nga vetja dhe duke u shtirur si “shpëtimtarë” të krizës që ata vetë shkaktuan. Historia ka rëndësi, faktet kanë rëndësi”, shkruan ambasadorja Yuri Kim.

Ndërkaq edhe Kina ka akuzuar Shtetet e Bashkuara të Amerikës se fshihet pas COVID-19.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern