LIGJET E BIZNESIT
Pas situatës së krijuar nga koronavirusi në Shqipëri, ku u konfirmuan dhe dy të prekurit e parë, kjo frikë tashmë ka ndikuar padyshim edhe në futboll.
Mësohet se dy ndeshjet e Kategorisë Superiore Vllaznia- Partizani dhe Skënderbeu- Kukësi do të luhen pa tifozë.
Kështu, ndeshjet e sotme nuk do të pezullohen siç edhe flitej, por ato do të luhen pa praninë e publikut.
Këtë lajm e ka bërë të ditur skuadra e Partizanit por edhe Federata Shqiptare e Futbollit.
Ndërkohë ende nuk dihet se cfarë do të ndodhë me ndeshjet në vazhdim të kampionatit shqiptar.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
NJOFTIMI I FEDERATES SHQIPTARE TE FUTBOLLIT
Komiteti i Emergjencës në Federatën Shqiptare të Futbollit është mbledhur ditën e sotme për të vlerësuar situatën pas të urdhërit nr. 132, dt. 8/3/2020 të Ministrisë së Shëndetësisë dhe Mbrojtjes Sociale lidhur me pezullimin e aktiviteteve sportive dhe sociale në vend.
Komiteti i Emergjencës vlerësoi se duke qenë se katër ekipet janë grumbulluar tashmë respektivisht në Shkodër (Vllaznia-Partizani) dhe Korçë (Skënderbeu – Kukësi), të vijojë me zhvillimin e këtyre dy ndeshjeve të javës së 26-të të Kategorisë Superiore, me dyer të mbyllura. Komiteti i Emergjencës në FSHF, i kërkon Këshillit të Ministrave një takim për të diskutuar në detaje lidhur me vijimësinë e aktiviteteve futbollistike në vend.
