Aksident në Elbasan/ Përplasen tre makina, e dëmtuar një grua shtatzënë

Një aksident raportohet të ketë ndodhur mëngjesin e sotëm në aksin e rrugës kombëtare Tiranë -Elbasan në afërsi të Rrethrrotullimit të Bradasheshit.

Mësohet se në aksident janë përfshirë tre automjete, ku njëri prej tyre ka dalë jashtë rruge dhe është përmbysur.

Si pasojë e dëmtuar lehtë ka mbetur një grua shtatzëne, e cila fatmirësisht ndodhet në gjendje të mirë.

Ndërkohë policia ka mbërritur në vendngjarje dhe po punon për zbardhjen e plotë të shkaqeve të aksidentit.