Agim Kajmaku fut në sherr policinë, zbardhet mesazhi i shefit të Tiranës: E turpshme që shëtit dhe nuk e kapni dot!

Ish-kryetari i Bashkisë së Vorës Agim Kajmaku vijon të jetë në arrati prej disa kohësh.

Ndërkohë së fundmi është zbardhur dhe një mesazh i drejtorit të Policisë së Tiranës, Rebani Jaupi drejtuar të gjithë komisariateve.

Në këtë mënyrë Jaupi i kërkon komisariateve që të marrin masa për kapjen e Kajmakut.

“Te merren masa nga gjithë Komisariatet per kapjen e tij. Komisariati Vorë te japë lidhjet e tija ne qytetin e Tiranes. Eshte person publik dhe mund te merret informacionet nga strukturat ne varësi. Eshte e turpshme nese vjen dhe shetit ne Tirane dhe nuk kapet.”, thuhet në mesazhin e Jubanit, sipas BË.

Prokuroria ka firmosur më 11 nëntor urdhër-arrestin për Agim Kajmakun.

Që atë kohë ende nuk dihet asgjë për vendndodhjen e tij.

Ish-kryebashkiaku akuzohet për 3 vepra penale ”Falsifikim i vulave, stampave ose formularëve”. “Falsifikim i dokumentave” dhe ”Kryerja e funksionit pas dhënies fund të detyrës”.