Shumë veta kohët e fundit shtrojnë pyetjen të shqetësuar nëse kartëmonedhat janë mbartëse të koronavirusit dhe a mund ta transmetojnë atë.
Në lidhje me këtë fakt ka dhënë përgjigje edhe guvernatori i Bankës së Shqipërisë Gent Sejko.
Mbrëmjen e djeshme, në një lidhje direkte me emisionin “Opinion” në Tv Klan, Sejko është shprehur se për këtë temë, Banka e Shqipërisë ka kontaktuar me Organizatën Ndërkombëtare të Kartëmonedhës.
“Lidhur me cash, kemi marrë dje nga Organizata Ndërkombëtare e Kartëmodhenës, që cashi trajtohet njëlloj si të gjithë sipërfarqet tjera, që nuk është përhapës i sëmundjes. Është njëlloj si gjithë sipërfaqet e tjera të prekshme nga qytetarët. Nuk është element që kërkon vëmendje të veçantë, nuk ka nevojë për dezinfektim”,tha Sejko.
