Vranë dhe u dënuan me 25 vite burg/ Policia publikon fotot e 3 të shumëkërkuarve (EMRAT)

Policia e Shtetit ka vijuar edhe ditën e sotme me publikimin e emrave dhe fotografive të personave që janë shpallur në kërkim.

Bëhet fjalë për tre veta, të cilët janë të dënuar me 25 vite burg nga gjykata.

Ata janë: Pjetër Pacani është në kërkim, pasi është dënuar me 25 vjet burgim për vrasjen e dy personave me iniciale N. Z. dhe V. Gj.

Gjithashtu, edhe Jak Gjini është në kërkim pasi ka vrarë për motive të dobëta me armë zjarri, shtetasin P.B.

I treti është Besmir Xhebexhia, i dënuar me 25 vite burg ka vrarë me armë zjarri, për motive të dobëta, vëllezërit A. N. dhe R. N.

NJOFTIMI ZYRTAR I POLICISE

Tre të kërkuar të tjerë, të dënuar me nga 25 vite burg, për vrasje, objekt i punës së Njësisë së Kërkimit.

Pjetër Pacani, i dënuar me 25 vjet burgim.

Në datën 18 janar 2011, pranë një karburanti në autostradën Lezhë-Tiranë, shtetasi Pjetër Pacani ka vrarë me armë zjarri shtetasit N. Z. dhe V. Gj. Gjykata e Rrethit Tiranë e ka dënuar me 25 vite burg, për veprat penale “Vrasja në rrethana të tjera cilësuese” dhe “Armëmbajtja pa leje”.

Jak Gjini, i dënuar me 25 vjet burgim.

Në datën 30 gusht 2003, në fshatin Tresh, Lezhë, shtetasi Jak Gjini ka vrarë me armë zjarri për motive të dobëta, shtetasin P. B. Gjykata e Rrethit Gjyqësor Lezhë e ka dënuar me 25 vite burgim, për veprat penale “Vrasja me paramendim” dhe “Armëmbajtja pa leje”.

Besmir Xhebexhia, i dënuar me 25 vjet burgim.

Në datën 22.07.2000, Besmir Xhebexhia ka vrarë me armë zjarri, për motive të dobëta, vëllezërit A. N. dhe R. N. dhe ka plagosur rëndë duke i këputur krahun e djathtë, shtetasin H. N. Besmir Xhebexhia është dënuar nga Gjykata e Rrethit Gjyqësor Kukës, me 25 vjet burgim, për veprën penale “Vrasja me dashje”.