Ditën e sotme u inagurua themelimi i Njësisë së Poligrafit në Policinë e Shtetit, e njohur ndryshe dhe si “Makina e së vërtetës”.
Mësohet se ajo do të testojë anëtarët dhe kreun e Byrosë Kombëtare të Hetimit dhe SPAK-ut.
I pranishëm në ceremoni, ku u certifikuan 5 ekspertë të trajnuar në SHBA, ishte dhe ministri i brenshëm Sandër Lleshaj, i cili deklaroi se ky test nuk do të perdoret vetëm nga SPAK apo BKH, por edhe në rekrutimin e punonjësve të Policisë së Shtetit.
Madje ai shtoi ndër të tjera duke thënë se do donte ta niste dhe nga vetja këtë test.
“Poligrafi i njohur në botë, por jo në Shqipëri. Kjo është një ditë historike, është një instrument i ri objektiv që ndihmon jo vetëm në finalizimin e hapave të reformës në drejtësi, por nuk do të përdoret vetëm për SPAK-un, por për të gjitha rekrutimet e reja në polici, SHÇBA-së dhe institucionet e sigurisë publike, do të doja ta nisja nga vetja ime. SHÇBA-ja do të bëjë testimet, do të jetë në lartësinë e detyrës me profesionalizëm dhe paanshmëri.
Ky instrument nuk do të përdoret vetëm për SPAK-un apo BKH, por do të përdoret në vijimësi për të gjithë rekrutimet e reja në policinë e shtetit SHÇBA, Gardën e Republikës, si dhe për diagnostifikimin periodik të të gjithë personave që shërbejnë në institucionet e sigurisë publike dhe do të doja të filloja nga vetja ime nëse do të merrej vendim.”, u shpreh Lleshaj gjatë fjalës së tij.
